Mae pwyllgor (neu fwrdd) deinamig ac effeithiol yn bwysig i yrru clwb yn ei flaen.
Bydd pwyllgor yn gwneud penderfyniadau ar ran y clwb ac yn cymryd dyletswyddau i sicrhau fod popeth yn rhedeg yn esmwyth. Ei bwrpas yw gwasanaethu aelodau’r clwb.
Mae hyn yn golygu eich bod angen y bobl iawn gyda’r sgiliau cywir, y profiad cywir a llawer o frwdfrydedd er mwyn helpu’r clwb i symud ymlaen.
Wrth i’r clwb ddatblygu efallai yr hoffech chi ystyried recriwtio pobl i’r rolau canlynol:
Yn anffodus, mae clybiau yn aml yn dibynnu ar un neu ddau o bobl i wneud llawer o’r gwaith. Mae’n syniad da lledaenu’r llwyth gwaith a gofyn i eraill gymryd mwy o gyfrifoldeb. Fel hyn, rydych chi’n fwy tebygol o osgoi gorflino a chadw’ch gwirfoddolwyr am gyfnod hirach.
Gwiriwch i weld a yw Aelodau eich Pwyllgor wedi’u gorlwytho, a ydynt yn ymgymryd â gormod o dasgau ar gyfer eu rôl?
Cyfeiriwch yn ôl at y disgrifiadau swydd rydych wedi’u hysgrifennu i nodi’r rolau sydd gan aelodau’r pwyllgor. Gallwch ddefnyddio’r rhain i nodi pa dasgau y gall fod angen eu rhannu ag eraill.